Нұресіл ауылы орта мектебінде «Адалдық дүкені» ашылып, өз қызметіне кірісті. Бұл дүкеннің мақсаты - жас өскелең ұрпақтың бойында адалдық пен жауапкершілікті сіңіріп қана қоймай, болашақта еліне, Отанына адал, нағыз патриот азаматтар тәрбиелеп шығару.
«Адалдық дүкені» мектебіміздің асхана залында орналасқан. Сатылатын тауар - асхана өнімдері мен шырындар. Бағалары қолжетімді. Оқушылар мен ұстаздар өздеріне қажетті өнімді таңдап алып, ақшасын арнайы қорапшаға салады. Мұнда ешқандай сатушы жоқ, барлық іс - әрекет тек адалдық пен сенімге жүктелген. Осындай жаңа жобалардың іске асуы -болашақта адал , жемқорлыққа қарсы ұрпақ өсірудің негізгі кілті болмақ. Бұл жобадан біздердің, мектеп ұстаздарының күтері көп. Біз өз оқушыларымыздың жауапкершілігі мен адалдығына сенеміз!!!
Дюсембаева Г.К.