Нұресіл ауылы орта мектебі
«Абай оқулары»
2020 жылдың 23 қаңтарында Целиноград ауданы Ақмол ауылының Ақмол №5 мектебінде мектеп оқушылары арасында аудандық «Абай оқулары» атты қазақ ұлтының ұлы ақыны Абай Құнанбайұлының өлеңдеріне жазылған әндерден және ақынның өлеңдерін оқудан байқау өтті. Бұл байқауға ауданымыздың мектептерінен жүзден аса оқушы қатысты.Осы байқауға Нұресіл ауылы орта мектебінен 2 оқушы қатысып жүлделі орындарға ие болды. Мектебіміздің қазақ тілі мен әдебиеті пәнінің мұғалімі Аушахманова Шолпан Нұриденқызы дайындаған 8 А сынып оқушысы Сейтжанова Аяулым Абай ақынның 70 өлеңін жатқа айтып 1 орынға ие болса,бастауыш сынып мұғалімі Хуат Айнұр дайындаған 2 Ә сынып оқушысы Едилхан Нұрислам Абай атамыздың 15 өлеңін жатқа айтып бүлдіршіндер арасынан 1 орынға ие болды. Әріптестерімізге шығармашылық табыс, оқушыларымызға көптеген жетістіктер тілейміз.