Ата-аналар немесе басқа да заңды өкілдер өздерінің қабілеттері мен қаржылық мүмкіндіктері шегінде баланың жан-жақты дамуы үшін қажетті өмір сүру жағдайларын жасауға міндетті.
Ата-аналар баланы тәрбиелеуге, оған күтім жасауға, оны материалдық жағынан күтіп-бағуға, оның әл-ауқатына қамқорлық жасауға, тұрғын үймен қамтамасыз етуге, сондай-ақ Қазақстан Республикасының заңдарына сәйкес жауапты болуға міндетті.
Кәмелетке толмағандардың заңды өкілдерінің еріп жүруінсіз түнгі уақытта (сағат 22-ден таңғы 6-ға дейін) ойын-сауық мекемелерінде болуы заңды өкілдеріне үш айлық есептік көрсеткіш мөлшерінде айыппұл салуға әкеп соғады. Кәмелетке толмағандардың заңды өкілдерінің еріп жүруінсіз тұрғын үйден тыс жерде ( сағат 23-тен таңғы 6-ға дейін) болуы заңды өкілдеріне ескерту жасауға әкеп соғады. Осы баптың бірінші және екінші бөліктерінде көзделген, әкімшілік жаза қолданылғаннан кейін бір жыл ішінде қайталап жасалған іс-әрекеттер заңды өкілдеріне он бес айлық есептік көрсеткіш мөлшерінде айыппұл салуға әкеп соғады (ҚР ӘҚБтК 442-бабы).